Undirbúningur fyrir litlu jólin

Nemendur eru þessa dagana á fullu í undirbúningi fyrir litlu jólin sem eru á föstudaginn 20.desember.

Í gær var jólatréð skreytt, sáu nemendur í 8.-10. bekk um að skreyta það en nemendur í 5.-7. bekk fóru í síðustu viku í Prestsbakkakot til að finna þetta fallega jólatré. 

Hefðbundið skólastarf er brotið upp með ýmsum hætti, jólalög hljóma úr stofunum, jólakort eru skrifuð til skólafélaga og stofurnar skreyttar. 

Á hverjum degi þessa vikuna komum við öll saman í matsal og syngjum jólalög við undirleik Teresu tónlistarkennara. 

Jólakveðja úr Kirkjubæjarskóla