Skólastarf á tímum COVID 19

Ýmislegt brallað í 3. bekk
Eftir að breytingar urðu á skólahaldi vegna C 19 breyttist stundartaflan okkar þannig að við byrjum morgnana á bóklegu námi og þar er tekið á af krafti.   

Þegar það fer að líða að matartíma förum við út í vettvangsferðir og útikennslu.  Eftir matinn er ein kennslustund og þá erum við inni og vinnum úr því sem við sáum og lærðum úti; t.d. erum við búin að halda dagbók með veðurlýsingum og lýsingu á markverðum stöðum og hlutum.

Við höfum fylgst með komu farfuglanna og skráum í dagbókina, flettum við upp viðkomandi fugli á netinu og/eða í fuglabókinni og fræðumst nánar um hann.  Einnig höfum við glímt við reiknisdæmi úti t.d. talið línur á bílastæði og margfaldað til að finna út heildarfjölda bílastæða. Lækurinn er okkur líka mikil uppspretta hugmynda og tilrauna.

Við erum með gúrkuplöntu í glugganum sem vex og dafnar og á vonandi eftir að skila okkur gúrkum á næstunni,  allavega lærum við lítilega  um ræktun á plöntum og líffræði þeirra.

Þórgunnur María